Anton Sammut

BDL Books - Anton SammutAnton Sammut twieled fl-ewwel ta’ Settembru tal-1970; ħassieb, awtur, kif ukoll artist. Sammut huwa wkoll studjuż tal-filosofija tal-Punent kif ukoll dik tal-Orjent, tal-psikoloġija, u tar-reliġjonijiet komparattivi.

Fost xi wħud mill-kotba tiegħu nsibu r-rumanz filosofiku Alte Vestiga (2008), li eventwalment ġie tradott bl-Ingliż bl-isem ta’ Memories of Recurrent Echoes (2009), il-kotba ta’ studju u riċerka, In-Naħa l-Oħra tal-Istorja Ġudeo-Kristjana (2011) tradott ukoll bl-Ingliż (The Other Side of the Judeo-Christian History, 2012) u Il-Filosofija tal-Ispiritwalità Kożmika (2013), li wkoll ġie tradott bl-isem ta’ The Philosophy of Cosmic Spirituality (2014).

L-aktar ktieb riċenti tal-awtur huwa Metanoia, li ħareġ fl-2018.

Fis-Sunday Times tas-16  ta’ Novembru, 2008, Rev. Prof. Peter Serracino Inglott, iddeskriva lil Sammut b’dan il-mod:
“Anton Sammut is by no means a professional philosopher, but the sheer erudition he has amassed is in itself proof of his exceptional character as well as mind.”