Għażżiela

Martin Morana

altGĦAŻŻIELA   Apparti ż-żewġ spjegazzjonijiet li din il-kelma ngħatat f’żewġ volumi differenti, hemm tifsira oħra. L-għażżiela hi wkoll bħal qagħqa magħmula minn għaġina ċatta u ddisinjata b’disinn attraenti u pjuttost elaborat. Tixbah xi ftit fid-disinn l-ostja l-kbira li s-saċerdot jikkonsagra waqt il-quddies, biss fiha forma u disinn, qisha maħduma bl-arkett. L-għaġina kienet tkun imħallta b’diversi ħwawar. Fis-seklu sbatax l-għażżiela kienet tissajjar biex tingħata lill-foqra. Kien hemm legati li kienu jinkludu ikliet magħmula mill-għażżiela, li kienu jitqassmu fil-festi. L-għażżiela kienu jdendluha fid-dar biex tipproteġi lilha u lil min jgħix fiha kontra s-sajjetti.