Wirt tas-seklu 16 meqrud

Charles B. Spiteri
altIs-sidien tal-ħanut tax-xorb, ta’ żmien Sir Francis Drake, li jmur lura għas-seklu 16, iġġiegħlu jiżbgħuh minn ġewwa, mill-uffiċjali tas-saħħa u s-sigurtà. Il-ħanut tax-xorb, bl-isem ‘The Minerva Inn’ hu mimli travi storiċi tal-injam, maqlugħin mill-galljuni tal-Armada Spanjola li nqabdu fil-battalja tal-1588. 
 
altIs-saqaf tal-istess ħanut kien mimli b’eluf ta’ messaġġi u graffiti li tħallew mill-klijenti regulari u mill-baħrin ta’ madwar 500 sena ilu. Għalhekk, Shelly Jones, li tieħu ħsieb il-ħanut xtrat verniċ mill-aqwa, biex waqt li ma tħallix il-post b’periklu għan-nar, iżżomm kemm jista’ jkun il-karatteristika antika tal-ħanut. 
 
altIżda l-ordni tal-uffiċjali kienet għal żebgħa mod ieħor. Minħabba f’hekk l-uniku rimedju kellha tkun żebgħa magnolia, li qerdet għal kollox l-antikità tal-post. Hu mifhum li Sir Francis Drake kien jgħix ftit bibien ’l hinn mill-‘Minerva’, il-ħanut tal-1540, u li hu meqjus bħala l-eqdem ‘pub’ fi Plymouth, Devon. Hu maħsub li l-kolonna wieqfa tat-taraġ kienet ukoll arblu ta’ bastiment Spanjol. 
 
Is-servizz ta’ kontra n-Nar u s-Salvataġġ qal li l-aħħar ħaġa li xtaq jagħmel, kien ħsara lill-karattru tal-ħanut, iżda skont hu, il-ħajja tal-bniedem għandha tiġi l-ewwel.