Description
X’kienu jaħsbu il-filosfi tal-Greċja Klassika fuq Alla jew L-Assolut? Għaliex dan il-kunċett ta’ Alla kien tant differenti minn dak li ħafna minna nifhmu bih illum? X’jgħidulna l-kotba sagri u l-filosfi tal-Orjent fuq dan ir-rigward? X’inhu l-Brahman u t-Tao? X’inhi l-karma, ir-rikorrenza eterna, ir-rinkarnazzjoni, u l-Konoxxenza tal-Bniedem? X’għallem il-Budda fil-verità, u kemm affettwa t-tagħlim tiegħu fuq il-formazzjoni spiritwali ta’ Ġesù?
Dawn huma xi wħud mill-mistoqsijiet li f’dan il-ktieb se nippruvaw nirrisponduhom anki b’daqqa t’id tax-xjenza li għandna llum, li permezz tagħha se tkompli tgħinna nirrealizzaw, li għalkemm fid-dinja jeżistu ħafna reliġjonijiet u filosofiji differenti, teżisti verament spiritwalità waħda u komuni għal kulħadd; Spiritwalità Kożmika, li fost oħrajn għallmuha l-Budda, Ġesù ta’ Nazaret, u nies kbar oħrajn.
