Description
Iż-żmien tat-Tieni Gwerra Dinjija ma kienx faċli għal ħafna familji Maltin. Teresa, flimkien mal-ġenituri tagħha u n-nanna, batew il-ġuħ u saħansitra tilfu d-dar tagħhom. Meta spiċċat il-gwerra, il-familja ta’ Teresa ddeċidiet li temigra lejn l-Awstralja biex tibda ħajja ġdida.
Il-vjaġġ fuq il-baħar huwa twil u diffiċli, u wara l-vjaġġ Teresa trid tiffaċċja nies ġodda, ħajja differenti u anki tipprova tevita l-bullies li tiltaqa’ magħhom l-iskola. Imma lil Teresa xejn ma jwaqqafha milli ssir Awstraljana ġdida u tagħmel lill-ġenituri tagħha u n-nanna f’Malta kburin.
