Description
Kotba dwar l-istejjer tal-iħirsa jeżistu ħafna. Għalfejn ieħor?
Bħala ġurnalista, jien interessajt ruħi bil-ħsieb li niġbor dawn l-istejjer mingħand min esperjenzahom.
Jien ma ppruvajtx insib provi xjentifiċi għal dawn l-istejjer jew noħloq xi tip ta’ riċerka. Iżda tul iż-żmien skoprejt kemm hija differenti r-realtà mill-fatati tal-qedem u l-folklor. Jeżistu aktar spirti twajba milli ħżiena. L-istejjer tal-iħirsa jaffaxxinaw kull ġenerazzjoni.
Qattajt ħafna ħin ma’ persuni fuq xi sufan jew fl-uffiċini tagħhom, fejn f’xi waqtiet il-persuna li tkun qed tirrakkontali l-istorja tqum minn postha biex turini bil-mossi xi punt partikolari. U xi drabi wkoll jibdew jirtogħdu waqt li jkunu qed jirrakkontaw xi dettall li jkexkex. Kull wieħed minn dawn il-persuni jemmen fl-istorja tiegħu. Dawn il-ġrajjiet bidlu xi ftit jew wisq il-ħajja ta’ dawk li għaddew minnhom. Jekk għandek kuraġġ, emminhom.
Dan il-ktieb għandu numru ta’ stejjer ġodda. Ħafna nies li intervistajt għadhom ħajjin u d-djar u l-postijiet fejn ġraw dawn l-istejjer imsaħħra għadhom jeżistu.
