Fatati u Iħirsa ta’ Malta

9789990931419
Paperback

In stock

Description

F’lejla mdallma u ta’ maltemp faqqat sajjetta u l-leħħa tagħha xegħlet it-triq b’dawl qawwi. Dak il-ħin f’dik it-triq dehret proċessjoni ta figuri b’wiċċhom mgħotti lebsin il-kunfratrija tal-Misericordia.

Din ma kenitx xi ħaġa li wieħed jiltaqa’ magħha spiss. Iżda kienet biss ċirkostanza waħda mill-ħafna każi tal-okkult li kultant jiffaċċjaw fl-istorja ta’ Malta, anke fiż-żminijiet tal-lum.

Joseph Attard, li hu wieħed mill-awturi ewlenin ta’ Malta, huwa magħruf għas-serjetà tar-riċerka tiegħu, u dan deher dejjem fl-14 il-ktieb tiegħu li ġew ippubblikati sa issa, kemm bl-Ingliż kif ukoll bil-Malti. Dan jidher ukoll fl-istejjer li jidhru f’dan il-ktieb. Imma aktar minn ġabra ta’ stejjer, f’dan il-ktieb hemm narrattiv fantastiku tal-okkult f’Malta, mżewwaq bl-istorja ta’ pajjiżna u teoriji u argumenti, flimkien ma’ esperjenzi personali.

Dan kollu jagħmel storja waħda li tiġbor fiha dak li hu veru jew leġġendarju dwar dawk li nafuhom bħala l-Fatati u Iħirsa ta’ Malta. 

“Il-każ ġara f’Tas-Sliema. Din il-belt hija waħda moderna, u ma tantx kien mistenni li jidhru fatati jew iħirsa fiha. Ċertament li Harry u l-mara tiegħu Tessie qatt ma ħasbu dwar dan. Iżda darba waħda filgħaxija wara li t-tnejn kienu daħlu fis-sodda biex jorqdu, Harry sema ħoss isfel. ‘Kien bħal ħoss ta’ xi ħadd miexi fuq il-madum tal-art, umma bi tqarmiċa, bħallikieku xi ħadd kien liebes qorq u mhux żarbun.’ qalli Harry, meta beda jgħidli bil-każ.

L-ewwel ħsieb li ġieħ kien li forsi l-mara ma kinitx għalqet il-bieb ta’ barra, u xi ħadd kien daħal ġewwa. Iżda meta staqsieha din qaltlu li l-bieb kienet għalqitu. Allura Harry qalilha biex tikkalma u torqod. Iżda hu ma setax jorqod, u baqa’ sakemm qam mis-sodda u niżel isfel biex jara x’kien hemm. Iżda ma sab xejn. Sakemm hu kien isfel qed idur, il-ħoss waqaf. Tant li huwa u tiela’ lura fuq beda jaħseb li wara kollox kien biss immaġina dak li sema’. Imma appena daħal fis-sodda, il-ħoss reġa’ beda. ”

Joseph Attard kiteb ukoll The Ghosts of Malta

Additional information

Weight 225.0000 g
Author
Cover
Publisher
Year of publication
ISBN 9789990931419
Pages 226

Product categories and tags

SKU: 9789990931419