Description
Fl-oqsma tax-xandir u l-ġurnaliżmu għal kważi 30 sena, Bonello ħadem f’kull ġeneru ta’ midja: kotba, gazzetti, rivisti, radju u televiżjoni. Uħud fost dawn finalisti u/jew rebbieħa ta’ diversi unuri fil-BPC Award to Journalists, fl-IĠM Awards u fil-Malta Broadcasting Authority Awards.
Serva f’karigi ta’ ġurnalist investigattiv, editur, riċerkatur, xandar, opinjonist, producer eżekuttiv, kittieb tal-iskripts, awtur ta’ kotba u oriġinatur ta’ kunċetti kreattivi f’oqsma varji ta’ kommunkazzjoni. Illum Direttur Maniġerjali tal-kumpanija 24sevenMedia.
Ta s-servizzi tiegħu lill-VOM International, ir-Radju tal-Università (bi programmi mxandra fuq 3zzz Australia) Radju Malta, Radju MAS, Net Television, One Television, TVM, TVM2, Q-Media Entertainment, CBB Teamworks u Brainbox, fost oħrajn.
Fil-qasam tal-kitba u ġurnaliżmu stampat: Pubblikazzjonijiet PIN, Miller Group (Agenda), il-Pulizija, il-Mument, In-Nazzjon, Il-Leħen, Ħolqa Bejnietna, Leħen is-Sewwa, Outlook Coop (Horizons), kif ukoll Sliema Times u Senior Times (Allied Group).
Produzzjonijiet magħrufa jibqgħu is-sensiela televiżiva ‘Il-Każ’, tliet darbiet rebbieħa għall-aqwa produzzjoni televiżiva investigattiva, ‘Il-Każ’ fil-format ippubblikat u ‘Wara l-Każ’, fost aktar minn għoxrin produzzjoni awdjoviżiva oħra.
Tonio Bonello hu l-oriġinatur tal-proġett ‘Maltin’ kif ukoll l-editur u l-koawtur ta’ din l-istess ġabra ta’ kotba ta’ xogħlijiet u studji riċerkati dwar personaġġi magħrufa Maltin.
