Description
Hjiel mill-Istorja ta’ Malta
Xi storiċi jgħidu li l-presepju beda fis-sekklu IV. Aktarx meta l-imperatur Konstantinu ġab minn Ġerusalemm biċċa mill-maxtura li fiha kien twieled Ġesù Bambin. Minn dak iż-żmien il-maxtura bil-Bambin bdiet tidher fil-knejjes.
L-ewwel presepju, kif nafuh aħna, sar fil-knisja ta’ Aracieli ġewwa Ruma. Fis-seklu XIII San Franġisk għamel presepju ħaj ġo grotta f’Gubbio. U ftit tas-snin wara d-drawwa tal-presepju waslet ukoll ġewwa Napli fil-knisja ta’ Santa Maria ad Presepe. Presepji oħra kienu jsiru mill-familji nobbli fosthom tar-Re Ferdinandu ta’ Napli.
F’Malta, il-presepju aktarx daħal fl-aħħar nofs tas-seklu XV. Fil-kunvent tad-Dumnikani tar-Rabat (Malta) għad hemm xi pasturi ta’ l-injam. U fil-kor tal-Katidaral ta’ l-Imdina hemm interzjata mill-iskultur Sqalli Cagini xena sabiħa tal-Milied. F’Għawdex fil-Bażilika ta’ San Ġorġ miżmum f’urna dekorata hemm il-Bambin tax-xemgħa li darba kien tal-Kan. G.P. Aguis de Soldanis. Dan hu aktarx l-istess Bambin li n-nobbli Giovanni Gourgion kellu fid-dar tiegħu tal-kampanja fl-inħawi tax-Xewkija.
Leġġendi Maltin
