Description
Għal darb’oħra, kif jerġa’ jidħol San Ġużepp f’esperjenzi ta’ ferħ, f’dawk ta’ tħassib, ta’ niket, ta’ telfa?
Fi problemi matrimonjali?
F’każijiet ta’ saħħa, ta’ fixla, ta’ inutilità, ta’ disprament?
Waqt attentat ta’ serq għall-ksib tad-drogi?
Kull meta nsibu ruħna daharna mal-ħajt?
Imma wkoll waqt deċiżjonijiet nobbli ta’ mħabba, ta’ adozzjoni, ta’ għotjiet ġenerużi ta’ organi umani?
Ġabra ta’ rakkonti li teħodna fid-dinja tal-istħajjil. Fit-tiġrib uman bil-waqtiet imdawla b’għożża, b’tama, b’ħajr, b’sodisfazzjon, b’għoġba. B’oħrajn meta l-moħħ jiddallam, jittaqqal, u d-diqa tgerrem qalbna.
Lil San Ġużepp insibuh dejjem magħna. Jindokrana minn wara l-kwinti waqt li fuq il-palk tal-ħajja jkun iseħħ id-dramm tagħna.
