Description
Min jaqra dan ir-rakkont jiltaqa’ ma’ ħafna delitti ħorox u forsi jaħseb li l-assassini li għamluhom ħelsuha lixxa. Izda mhux din hija l-verità. Min jaqra r-rakkont sal-aħħar jara kif jitħallsu dawk il-kiefra li wettqu xi delitt jew iġiegħlu lill-vittmi tagħhom isofru, mhux bil vendetti mill-istess vittmi li huma jkunu ħaqru, imma minn Id Divina li ma ħallihom qatt jistrieħu qabel ma jiskuntaw, kif huwa xieraq, is-sentenzi li ħaqqhom, min b’mewt bikrija u min b’kastigi li jsofri matul ħajtu.
Il-persunaġġ l-aktar importanti f’dan ir-rakkont huwa Karlu li ta’ ħames snin jaħrab minn taħt idejn ħutu għaliex riedu joqtluh, biex jirtu s-sehem tiegħu wkoll, wara delitt tal-biża’ li jkunu għamlu. Karlu jgħaddi minn perjodu ta’ feliċità fejn huwa jinsa d-dmir li kellu lejn ommu, iżda mbagħad ikollu jinfired mill-familja tiegħu u jgħaddi minn ħajja ta’ tbatija kbira minħabba li jiġi akkużat b’delitt li huwa qatt ma jkun għamel. Meta jinħeles, Karlu jfittex li jtemm id-dmir li kienet qed titlob minnu ommu. Meta jkun għamel dan, jirnexxilu jikxef il-Misteri ta’ Rdum il-Madliena u jerġa’ jakkwista l-feliċità.
X’kien id-delitt li għamlu ħut Karlu, u minn xiex għadda Karlu qabel temm il-missjoni li fdatlu ommu? Aqraw dan ir-rakkont u taraw l-intriċċi li fiha din il-ġrajja.
