Description
“Dawn l-istudji,” jgħid l-awtur fl-introduzzjoni tiegħu, “huma intenzjonati biex jagħtu biss stampa wiesa’ ta’ kull ktieb fil-Patt il-Ġdid. Ma jidħlux fid-dettall tal-kontenut kif jagħmlu l-kummentarji. Aktar huma maħsuba biex jippreżentaw il-qofol tal-messaġġ ta’ kull ktieb.”
Partijiet analitiċi u tematiċi huma mżewqa b’oħrajn teoloġiċi u dottrinali, filwaqt li ma jinsiex jagħti lok għall-etika u d-devozzjoni tal-Kristjan. L-għan ġenerali hu biex il-qarrej jara lil Ġesu, jifhem kemm jeħtieġu, u jimxi miegħu f’relazzjoni vitali bħala dixxiplu tiegħu.
Int u taqra għandek tkun sfidat intellettwalment kif ukoll imqanqal fir-ruħ. Tkun dħalt f’kors ta’ tagħlim bilanċjat illi bih taprezza d-dottrini tal-fidi Kristjana u hekk tasal biex trodd ħajr lill-Missier u tfaħħru għal imħabbtu murija fi Kristu Ibnu.
