Description
Meta Nemnem il-Musbieħ jittratta dinja tal-fantasija—magħrufa bħala x-Xoħorus—li teħtieġ tiġi salvata mill-periklu li jaħkimha.
Rodney, ġuvni ta’ tletin sena, iqatta’ ħafna mill-ħin tiegħu għand it-tfajla tiegħu Lacey, li tgħix flimkien ma’ missierha Paul. Billi Paul huwa armel, Rodney tiġih kurżità kbira meta lejla minnhom jisimgħu jitkellem ma’ xi ħadd misterjuż fil-kamra tas-sodda tiegħu. Dan l-episodju, li jirrepeti ruħu diversi drabi, iwasslu biex jibqa’ sa ma jitkixxef min, u għaliex, kien qed ikun fil-kamra ma’ Paul f’dawk il-ħinijiet. Ftit seta’ jimmaġina għal xiex kienu se jwasslu dawk id-diskursati strambi.
Koppja oħra, Żeppi u Marija, huma l-werrieta tad-dar magħrufa bħala l-Villa tal-Baruni. Dawn jissorprendu ruħhom ukoll meta darba fost l-oħrajn, f’din id-dar jagħmlu sejba mhux tas-soltu; sejba li kienet se tbiddlilhom ħajjithom kompletament.
