Description
Ħadd qatt ma basar li Eddie Fenech Adami, avukat minn Birkirkara, magħruf mal-Karkariżi bħala l-avukat tar-raħal, kellu jispiċċa Kap tal-Partit Nazjonalista wara li n-Nutar Ġorġ Borg Olivier kien tilef żewġ elezzjonijiet wara xulxin. Wara kollox hu kien ikkontesta żewġ elezzjonijiet, waħda wara l-oħra, mingħajr suċċess u l-istorja politika tiegħu setgħet waqfet hemm. Fenech Adami sar l-opponent ewlieni tal-politika Soċjalista ta’ Duminku Mintoff, Prim Ministru ta’ Malta għal diversi drabi, u kellu jkun hu li jwassal lil Malta, nazzjon żgħir fil-Mediterran, fl-Unjoni Ewropea.
