Description
l-ewwel avventura mis-sensiela IL-MISTERI TA’ THEA
L-aħħar ħaġa li xtaqet tagħmel Thea kienet li tqatta’ l-vaganzi tas-sajf Altafonte, għand iz-zija. F’dik il-belt kwieta ma kien hemm xejn x’tagħmel …
Iżda meta ltaqgħet ma’ Nick, espert dwar l-Etruski, u skoprew labirint misterjuż, ma damitx ma bidlet fehmtha. Iż-żewġt iħbieb flimkien ma’ Zorro — il-kelb ta’ Thea — sabu ruħhom f’nofs avventura. Kienu qed jinsterqu fdalijiet prezzjużi ta’ żmien l-Etruski mill-mużew. Fittex ’l hawn u fittex ’l hemm, Thea u Nick ġew wiċċ imb wiċċ mal-moħħ wara pjan kriminali.
Sadanittant kien hemm f’nofs il-biċċa, il-bejjiegħ tal-monti, li Nick ma tantx kien jafda. U Bruno, il-ħabib antik ta’ Nick li kien jaf minn fejn tidħol għal-labirint, li Thea ma riditx affari miegħu.
Forsi jkun aħjar jekk insegwu lil Thea, Nick u Zorro ġewwa l-labirint.
