Description
Fl-1939, Dun Pascualino, qassis li jkun jaqdi dmirijietu fil-Vatikan, bħal berqa fil-bnazzi jiġi msejjaħ biex ifittex jitlaq mill-Italja u jmur lejn il-gżira ta’ Malta fuq missjoni importanti.
Vinċenza de Conte xebba Navarro, li tiġi omm Dun Pascualino, f’ħajjitha tgħaddi minn martirju u dan sempliċiment minħabba l-egoiżmu sfrenat ta’ individwu li qatt ma seta’ jaċċetta l-fatt li din il-mara qatt ma setgħet tkun tiegħu. Raġel misterjuż li jipprova jassisti lil Vinċenza matul dan il-perjodu mudlam ma jdumx ma jirrealizza li d-destin tagħhom huwa wieħed kiefer għall-aħħar.
Il-ġrajja makabra tal-mewt ta’ ommu u l-esperjenzi varji li jgħaddi minnhom f’pajjiżna jġibu bejn ħaltejn lil Dun Pascualino jibqax liebes il-libsa li biha jirrappreżenta lil Alla.
U min kien, u fiex jidħol il-Barbaġann f’dan kollu?
