Description
It-tewmin Kevin u Lara għandhom bomblu taż-żmien. Permezz tiegħu huma jistgħu jivjaġġaw lura fiż-żmien. F’Il-Bomblu ta’ Rasu Iebsa huma jmorru lura fis-snin ta’ qabel it-Tieni Gwerra Dinjija u jgħixu avventura meraviljuża ma’ familja ta’ dak iż-żmien. Huma jgħixu l-kruha tat-Tieni Gwerra Dinjija u jindunaw li dan il-bomblu huwa tassew ta’ rasu iebsa. Għalkemm dan il-ktieb inħadem mill-immaġinazzjoni ta’ l-awtriċi, xorta waħda jagħtina ħafna informazzjoni fuq it-Tieni Gwerra Dinjija kemm minħabba riċerka li saret kif ukoll minn konversazzjonijiet li saru man-nanniet tal-awtriċi.
