Description
’Pipettu’ kien għażżien kemm trid u xejn ma kien iħabbel rasu biex iżomm ruħu nadif. Tista’ tgħid li kien jinħasel biss fis-sajf meta jmur jgħum. Missieru kien għamel minn kollox biex forsi jrawmu fil-ħanut iżda Pipettu qatt ma ried jaf b’xogħol u kien jippreferi jgħix b’dak li jiddobba minn jum għal ieħor. Fir-raħal kien hemm min jaħseb li Pipettu kien xi baħnan għax sakemm dam l-iskola ftit li xejn tgħallem. Imma Pipettu kien jaf iħaddem rasu fejn irid.
