Description
Id-Devot ta’ San Ġużepp: Ġabra Oħra ta’ Siltiet huwa t-tielet minn sensiela ta’ kotba dwar dan il-qaddis li qed ikunu ppubblikata bi tħejjija għas-sena 2020: meta se nkunu qed infakkru l-150 sena minn meta l-Papa Piju IX, fit-8 ta’ Diċembru 1870, iddikjara lil San Ġużepp bħala patrun tal-Knisja universali.
Dan il-ktieb ikompli ma’ ta’ qablu u fih ġabra oħra ta’ siltiet li matul is-snin inktibu mill-aqwa studjużi, riċerkaturi, teologi, dutturi tal-Knisja, papiet u qaddisin oħra. Din il-ġabra ta’ siltiet hi xhieda oħra ta’ devozzjoni kbira lejn dan il-qaddis, devozzjoni mifruza mad-dinja kollha. Din il-pubblikazzjoni ma tistax titqies bħala kompendju komplut ta’ kulma nkiteb dwar San Ġużepp, iżda hija ġabra vasta minn kotba bil-Malti, bl-Ingliż u bit-Taljan, hawnhekk ippreżentati kollha bil-Malti. Il-ħsieb tal-awtur hu li jagħti lid-devot ta’ San Ġużepp okkażjoni unika biex isir jaf aħjar dan il-qaddis kbir u jitgħallem minnu.
