Description
Inżul bla ħsieb fid-deżert ilaqqa’ pilota ma’ tfajjel ċkejken li jintroduċi ruħu bħala ċ-ċkejken prinċep. It-tfajjel minnufih jibda jirrakkonta dwar l-istorja ta’ kif kiber u għex fuq l-asterojde ċkejkna qabel ma ddeċieda li jitlaq biex iżur il-pjaneti l-oħra. Mal-wasla tiegħu fid-Dinja, iċ-ċkejken prinċep jiskopri diversi affarijiet ġodda.
Ktieb li fih ideat profondi dwar il-ħajja u n-natura umana. Infatti l-istorja, għalkemm hija kkunsidrata għat-tfal, titratta suġġetti filosofiċi u saħansitra fiha kritika qawwija fuq il-mod ta’ kif jaħsbuha n-nies adulti.
