Description
Ittri lil Marta, Il-munita tad-deheb, Il-gżira tal-imħabba, ulied is-sultan, It-tajra tal-baħar, L-inbid tal-baruni, Fjuri tal-mimosa, Ir-ritratt l-ieħor, il-bejjiegħ tal-fanali, Il-platt tal-fqir, Il-ktieb tas-sigrieti… dawn huma biss ftit mill-istejjer miġbura fil-ktieb Ħrejjef għal Żmienna, li fih l-awtur jesperimenta bl-istil tar-realiżmu maġiku, għamla ta’ kitba li tgħaqqad ir-realtà mal-fantasija b’mod li dak li jidher li ma jistax isir narawh iseħħ quddiem għajnejna, u dak li jiġri fil-ħajja ta’ kuljum jittrasforma ruħu f’ħolma. Il-ktieb ħareġ l-ewwel darba fl-1996 u nqaleb f’diversi lingwi, fosthom l-Ingliż, il-Franċiż u l-Ġermaniż.
