Description
Il-Ħajja ġewwa l-Infern ta’…is-Sud Amerika
Id-dinja rota u n-nies l-imgħażel. Tassew f’pajjiż ta’ kontradizzjonijiet. Kulħadd jara kif se jaqla’ l-għajxien – min jibblakka ż-żraben, min ibigħ fuq karrettun, min jisraq, min iħaddem it-tfajliet u n-nisa…kollox igħodd f’dal pajjiż fejn il-fqir irid mingħand is-sinjur li, għax għandu l-flus, mingħalih jista’ kollox. Iva, anki jiddeċiedi uliedu ma’ min jiżżewġu.
It-tradizzjonijiet insara jitħalltu ma’ ċerimonji u ritwali li, li kieku mhux għax taf li huma realtà, taqbad tidħak taqra dwarhom. F’dan l-ambjent isseħħ dil-ġrajja – tassew kummiedja traġika tal-bniedem.
X’jagħmel Pedrecito Miguel meta jsib ruħu f’dan l-ambjent?
X’isir minn Carlos, ħu avukat, li għax iħobb seftura ġo dar missieru dan ma jridx jaċċettaha?
U t-tfajla, omm Lupe, x’isir minnha?
Tumas, ħu Lupe, li jinqabad jisraq mis-suq…waqt li oħtu qed tilgħabha mal-mewt minħabba żjara li għamlet lil mara xiħa saħħara meta kienet tqila?
