Description
Għalkemm il-kelma ‘omiċidju’ ġejja mil-Latin homicidium (homo tfisser raġel u cide tfisser qtil), madankollu l-kelma dejjem kienet użata għall-qtil tal-bnedmin, irrespetivament mill-ġeneru tal-persuna. Maż-żmien beda dieħel kliem ieħor biex jiddiskrivi omiċidji partikolari, bħal ‘użorċidju’, li jfisser il-qtil tal-mara minn żewġha. Daħlet ukoll il-kelma ‘matriċidju’, li jfisser il-qtil tal-omm minn xi ħadd minn uliedha. Imbagħad fl-1801, fl-Ingilterra, issemmiet għall-ewwel darba l-kelma femicide; kelma li m’hemmx tifsira għaliha fid-dizzjunarji Maltin, imma nafu li tfisser il-qtil ta’ mara. Fl-1848 din il-kelma (kif ukoll il-kelma feminicide) daħlet ukoll fil-pubblikazzjoni legali Wharton’s Law Lexicon. Imbagħad maż-żmien kien hemm min ta tifsira differenti lil din il-kelma.
