Description
– Biex jaħrab mill-belt wara l-qtil tal-Arċiduka, Rudolf jidħol fix-xirka mudlama tal-Barranin.
– X’inhi l-logħba li Lawra u Enzo qed jilagħbu flimkien? Jew mhi logħba xejn imma dramm ta’ veru li se jwassal għall-mewt tat-tnejn?
– In-Nutar Caruana mexxa l-każin ta’ San Kristoferu Martri għal snin twal. Għaliex Stanley mela mhux jirnexxilu jsib suvenirs ta’ żmienu?
– Il-Malti jasal fil-belt ta’ Godsum Creek f’nofs il-pjanuri Amerikani, l-art tal-kawbojs, u jipprova jaqla’ hemm l-għajxien tiegħu.
– Iż-żjara f’Londra ta’ Marion tqanqal għall-aħħar darba t-tifkiriet mitlufa ta’ Sor Evelyn.
F’WESTERN BEJN RAKKONTI, BEJN DIVERTIMENTI Alfred Sant jippreżenta ġabra oħra ta’ stejjer fejn vjolenza u misteru, imħabba u tpattija jitqanfdu mal-farsesk, mat-traġiku, mal-minsi u mal-makabru.
Din hi ġabra li ma titlaqhiex minn idejk malajr.