Description
Imwieled Ħ’Attard fl-1939, Edwin studja fl-iskola tal-gvern tal-istess raħal u mbagħad wara fil-Liċeo. Mill-1957 okkupa diversi karigi fis-Servizz Ċivili, biex temm il-karriera tiegħu lejn is-sena 2000 bħala Awditur Intern u membru elett tal-Institute of Internal Auditors ta’ New York.
Kien membru attiv u P.R.O. tal-‘Għaqda Kittieba Żgħażagħ’; aktar tard imsemmija ‘Grupp Awturi’ u minn ħdanu kiteb diversi novelli oriġinali. Ittraduċa għall-Malti bosta stejjer ta’ Oscar Wilde li numru minnhom inqraw fuq il-mezzi tax-xandir jew ġew ippubblikati f’gazzetti u rivisti oħra Maltin.
