Description
Hu gost aqra u tgħallem il-Malti bla sforz…
It-tieni ktieb ta’ din is-serje, Minn Għajnejn Differenti 2, hu maħsub għal dawk li qed jibdew jitgħallmu l-Malti (Livell A1) u jinkludi ħames stejjer li jintroduċu sitwazzjonijiet ta’ kuljum b’lingwaġġ sempliċi u ċar. Kull storja tkompli mal-oħra, u hemm kontinwità matul il-ktieb kollu minħabba li l-istess karattri ewlenin jidhru f’kull storja. Il-qarrej isegwi l-avventuri ta’ grupp ta’ ħbieb mill-Amerka u mill-Messiku li jżuru Malta għall-ewwel darba, u b’hekk jagħmel l-ewwel pass fil-fehim tal-lingwa u l-kultura Maltija. Dan il-ktieb jgħin biex wieħed jitgħallem vokabularju ġdid, isir jaf aktar dwar il-ħajja f’Malta u jgawdi ktieb adattat għalih fil-bidu tal-vjaġġ lingwistiku tiegħu. Il-ktieb jinkludi wkoll illustrazzjonijiet sbieħ, glossarju mill-Malti għall-Ingliż, Taljan u Russu, kif ukoll taħriġiet biex jikkonsolidaw it-tagħlim tal-Malti b’mod pjaċevoli u effettiv.
Bis-sehem tal-Aġenzija Nazzjonali tal-Litteriżmu
