Description
Grazio Mercieca ngħata d-dottorat fil-liġi mill-Università ta’ Malta f’Jannar 1982. Beda l-karriera tiegħu bħala direttur u konsulent legali ta’ wieħed mill-banek ewlenin ta’ Malta, iżda kompla l-maġġor parti tagħha bħala avukat ċivilista prattikanti fil-Qorti t’Għawdex, fejn okkupa l-karigi ta’ Kummissarju għall-Ġustizzja u Ġudikatur għal Talbiet Żgħar. Kien ukoll arbitru fit-Traffic Collisions Panel maċ-Ċentru Malti tal-Arbitraġġ, u court attorney bejn l-2015 u l-2016. Ġie elevat għall-bank tal-Maġistratura fil-21 ta’ Novembru 2016. Fl-2004 ippubblika Mezzi Straordinarji ta’ Impunjazzjoni tas-Sentenzi. Ikkontribwixxi f’għadd ta’ rivisti u kotba ġuridiċi internazzjonali. Ġenitur ta’ tlett itfal – Deborah, Caroline u Anton, u nannu ta’ Leah u Gigi.
