Description
Ħafna mill-versi ta’ Seguna u Sharples mhumiex miktubin biex minnhom tinsilet imqar loġika, iżda biex minnhom titneħħa kull pretensjoni li jista’ qatt ikun hemm diskors veru f’intenzjoni qarrieqa, jew vokabularju sinifikattiv f’ħoss biss. Huwa għalhekk li din l-antoloġija għandha wkoll intimità poetika mar-rebus, mal-ħaġa moħġaġa, mal-logħob (serju) bil-kliem, mal-indovinell, u max-xarada. Dawn il-forom ta’ tbixkil verbali huma parti mil-labirinti li ż-żewġ poeti għażlu li jibnu intimità magħhom ladarba ma jistgħux ħlief jgħammru fihom.
