Description
Il-poeżiji u t-taqbiliet ta’ Ġużè Orlando jirrakkontaw grajjiet u realtajiet tal-ħajja soċjali u politika f’Malta fl-ewwel nofs tas-seklu għoxrin li qajla ġew irrakkontati fil-poeżija Maltija. L-awtur ma jillimitax ruħu bil-lingwaġġ Romantiku tal-awturi ta’ żmienu imma jinqeda bil-lingwaġġ ħaj ta’ kuljum. Waqt li jikkritika bla ħniena l-inġustizzji mal-poplu ż-żgħir, f’poeżiji bħal ‘Lill-Bandiera Maltija’ jwassal is-sentimenti patrijottiċi qawwija ta’ poplu kkolonizzat u mċaħħad mid-dritt li jmexxi lilu nnifsu. Kull attakk kontra d-dinjità tal-poplu, jgħid Orlando, iqanqal fil-Maltin “l-akbar qilla”.
