Description
Stejjer veri ta’ nies minn kull rokna ta’ Malta u Għawdex
It-Tieni Volum
Temmen li l-ewwel tfajla li rebħet it-titlu ta’ Miss Malta ma marritx tirrappreżenta lil Malta f’Miss World għal l-arċipriet ma ħallihiex?
Temmen li hawn raġel Malti li sab għar u għex fih bħala d-dar tiegħu?
Temmen li hawn anzjana Maltija li qatt ma telgħet Għawdex?
Temmen li hawn Malti li għandu kollezzjoni ta’ eluf ta’ wirdien?
Temmen li raġel Malti ġibed ajruplan wieqaf u mexxieh 36 pied?
Temmen li hawn tfajla Maltija jisimha Melissa Sammut?
Bilkemm jitwemmnu hux? Però emminhom għax kollha veri.
F’dan it-tieni volum, George Cremona jkompli jwassal ir-rakkonti ta’ 51 persunaġġ ieħor minn Malta u Għawdex. Stejjer mill-ħajja ta’ kuljum, xi drabi minn ħajjiet inkredibbli, xi drabi tad-daħq, oħrajn li jġibuk konxju dwar realtajiet mhux faċli tal-ħajja u oħrajn imsejsa fuq esperjenzi sbieħ. U jiskopri — u aħna miegħu — li f’kull waħda minn dawn il-ħajjiet, hemm xi ġrajja li bilkemm titwemmen!
Minn programmi li xxandru fuq Calypso Radio 101.8FM
