Page Status: Pending

7 November – 6 December

An exhibition celebrating the association of the Order of St Michael and St George with Malta. Established in Malta and Corfù in 1818, at the height of the British Regency period, this exhibition highlights the contribution made by Maltese and British subjects employed in the Mediterranean – service that was rewarded with honours, pageant and splendor.

The exhibition will be supported by a series of public lectures on the 9th, 15th, 22nd and 29th November at 18:30hrs by Prof. Chris Grech, Dr. Theresa Vella and Prof. Edward Warrington at the Malta Postal Museum.

Il-Qattusa Bebbuxija kienet se ssir omm għall-ewwel darba. Kienet qegħda tipprova ssib post tajjeb fejn tqiegħed iż-żgħar meta jitwieldu. Bdiet iddur u tfittex ma’ kullimkien. Rat postijiet differenti, taħt siġra, f’rokna tal-ġnien, ħdejn il-ħajt imma xejn ma beda joġogħbha! Telgħet bilqiegħda fuq iċ-ċint tal-ġnien ħalli tkun tista’ tara aħjar. Bdiet tħares u tħares sakemm fl-aħħar rat post li għoġobha. Reġgħet niżlet fil-ġnien ħalli taraħ sew. Kien post taħt xitla b’weraq kbar li kienu jagħmlu d-dell u kien jidher li kien post kenni.

L-għada twieldu ż-żgħar! Kienu erbat ifrieħ ħelwin ħelwin daqs naqra! Ġabrithom taħtha biex jibqgħu sħan. Għaddiet ġimgħa bil-frieħ jixorbu l-ħalib t’ommhom u bdew jikbru ġmielhom! Kienu kuluri differenti, wieħed kien bebbuxi bħal ommu, ieħor kien iswed, wieħed griż u wieħed abjad. Ġurnata minnhom għamlet ħalba xita imma l-weraq kbir kien qisu umbrella u l-frieħ ma xxarbux.

Għal bidu Bebbuxija kienet tkun kważi l-ħin kollu magħhom, kemm tmur issib xi ħaġa tal-ikel bil-lejl u terġa tiġi tiġri. Imma Issa li kienu kibru ħasbet li jekk tmur malajr matul il-ġurnata ma kien se jiġrilhom xejn. Ġurnata waħda xħin rathom reqdin telqet inkiss inkiss biex issib x’tiekol. Wara ftit il-frieħ qamu u xħin ma sabux lil ommhom hemm bdew inewħu u t-tifla li kienet toqgħod f’dik id-dar bil-ġnien fejn kienu qegħdin, semgħathom. Bdiet tfittex ħalli tara mnejn kien ġej it-tnewwiħ u fl-aħħar sabithom taħt il-weraq. Kemm kienu ħelwin!

Telqet tiġri tgħajjat “Ma, Ma ejja ħalli tara x’hawn! Sibt erbat ifrieħ tal-qtates! Irrid nerfa wieħed minnhom!”

“Le, le ara tmisshom għax ommhom tirrabja ħafna għax taħseb li se toħodhomla!” qaltilha omma imma t-tifla qabdet il-ferħ abjad u qadet tgħanqu magħha. Miskin l-ferħ tgħidx kemm beda jnewwaħ bil-biża u beda jgħajjat lil ommu. F’daqqa waħda it-tifla rat lil qattusa Bebbuxija ġejja tiġri rrabjata għaliha. Poġġiet il-ferħ f’postu u telqet tiġri mbeżżgħa l-ġewwa. Il-Bebbuxija bdiet tibża li se teħodhomla u bil-lejl ġarrithom għal ġo ġnien ieħor vicin. Sabet banju ħażin maqlub u daħlithom taħtu fejn ma jarahom ħadd u xħin l-għada t-tifla marret tittawlilhom ma sabithomx.

ta’ Martina Mallia

L-aħħar kelma li kont tuża biex tiddeskrivi ċ-ċimiterju li jinsab fi Triq il-Fjuri, f’Ħaż-Żebbuġ hija dik li għandek bżonn erba’ pari għajnejn biex tħares lejh. Dan iċ-ċimiterju kien tassew żdingat, bil-ħajt nofsu mwaqqa’ u bil-grada mimlija sadid. Minkejja kollox, kien hemm misteru kbir marbut miegħu.

Iċ-ċimiterju abbandunat ta’ Ħaż-Żebbuġ kien jintuża għad-dfin fi żmien il-Kavallieri, imma wara xi snin ġie mitluq għal kollox. Iċ-ċimiterju kien eżatt fit-tarf tar-raħal, fejn ħadd ma kien joħlom li jgħaddi la matul il-jum u wisq aktar matul il-lejl!

Kultant kien hemm xi tfal avventurużi li kienu jmorru jilagħbu l-futbol ‘l bogħod mill-karozzi u minn kulħadd. Darba Mark, wieħed mit-tfal li kien iħobb jilgħab fit-toroq tal-madwar, ta xutt kbir bil-ballun u spiċċa qabeż il-grada taċ-ċimiterju. Ħadd ma ried imur għalih. Qalb Mark mill-ewwel għamlet tikk u imsarnu niżlu f’saqajh, għax in-nies tar-raħal kienu jgħidu bosta stejjer koroh fuq il-post. Kien hemm min qal li n-nies li daħlu fiċ-ċimiterju qatt ma ħarġu.
Wara battikata sħiħa, Mark tela’ mal-grada biex imur iġib il-ballun tiegħu. Beda jimmaġina kollox x’seta’ jiġri. Ftit wara ra l-ballun fuq lapida ta’ wieħed mill-Kavallieri u beda jgħajjat li sabu. Imma malli miss il-ballun, f’hemża u f’ħakka t’għajn ħarġet id mimlija dmija u bdiet tiġbdu lejn l-art. Mark beda jwerżaq twerżiq tal-biżgħa sakemm inħanaq. L-għaraq beda jġebel minn fuq wiċċu qisu funtana ma tiqafx. Malli sħabu semgħuh sparixxew għaliex tgħidx kemm ġrew lejn ir-raħal.
L-għada r-raħal kollu tkexkex għall-aħbar tal-għejbien ta’ Mark. It-tfajjel qatt ma deher aktar u xejn ma nstema’ dwaru. Ħaġa kienet ċerta li ħadd qatt aktar ma resaq lejn iċ-ċimiterju abbandunat!

Karan Singh, li għad għandu biss ħames snin, diġà hu twil ħames piedi u seba’ pulzieri.

Hu niżżel ismu fil-Guinness Book of World Records fl-2008, bħala li kien l-itwal u l-iktar tarbija tqila. Kien jiżen seba’ kilogrammi u twil aktar minn żewġ piedi… ħaġa li kompliet tikber maż-żmien.

Għall-familja tiegħu, it-tul mhux xi ħaġa ta’ skantament, għax il-familja kollha Singh, hi twila sew. Sanjay, missier Karan, hu twil sitt piedi u nofs, waqt li martu Shweatlana hi itwal, għax tkejjel seba’ piedi u żewġ pulzieri. Sal-2012 kienet l-itwal mara fl-Indja.

Il-ħolma ta’ Karan hi li jsir lagħab professjonali tal-basketball u s’issa, t-tobba li jinvistawh huma tal-fehma li m’hemm xejn xi jwaqqfu, peress li ma għandu l-ebda problemi ta’ saħħa.

Il-maġġoranza tan-nies jilbsu l-peduni għax iħossuhom aktar komdi fiż-żraben, iżda nibtet kumpanija li ddisinjat par peduni li jistgħu jintlibsu flok iż-żarbun.

Il-peduni FYF, li tfisser Free Your Feet, huma ddisinjati biex jintużaw għall-isport u bħala żarbun fl-istess ħin.
Hi magħmula minn materjal magħruf bħala Dyneema, li jintuża fil-ħbula tax-xabbaturi tal-għoljiet, u hu 15-il darba aktar b’saħħtu mill-azzar.

Il-peduni, li qed ikunu magħmulin mill-kumpanija Żvizzera Barefoot Company, huma magħmulin b’mod li jintlibsu bħal ingwanti; kull subgħa jidħol fil-post tiegħu.

Huma nħadmu wkoll b’mod li jkunu reżistenti għall-ilma, waqt li fil-qiegħ għandhom dawriet tal-lastiku li jipprovdu qabda f’kull tip ta’ art. Dawn l-istess peduni jistgħu jintużaw għal varjetà kbira ta’ sport, fosthom ġiri, surfing, għadds u wkoll għall-mixi fuq il-ħbula.

F’ritratti drammatiċi, xabbatriċi tidher imħaxkna ma’ blata tar-ramel f’madwar 1,000 pied ’il fuq mill-art.

Ix-xabbatriċi Żvizzera Rachel Schelb ta’ 33 sena, issugrat ħajjitha fir-reġjun ta’ Li Ming, fiċ-Ċina. Għal 25 ġurnata xxabbtet f’madwar 60 rotta, f’għoli u ftuħ fil-blat li jtulu bejn 65 u 100 pied.

Uħud mit-tixbit kien jieħu bejn 30 u 60 minuta. Jekk blata għolja jkollha qasma minn isfel għal fuq, lilha u lil ħbiebha toħdilhom jum sħiħ.

Rachel qalet li kull rotta li ħadu għallmithom metodi ġodda ta’ tixbit, u kull telgħa fil-għoli kienet iġġegħilhom jużaw l-immaġinazzjoni tagħhom biex jirbħu d-diffikultajiet li jiltaqgħu magħhom.

Fl-Iżvizzera, Rachel hi għalliema, iżda dan id-delizzju jħeġġiġha tivvjaġġa, peress li mhux l-għoljiet u l-muntanji kollha huma xorta. F’pajjiżha, l-blat ma fihx wisq xquq u għalhekk mhux tant diffiċli li tixxabbat miegħu. Issostni li aktar ma l-ġlieda tagħha tkun diffiċli, aktar jinżlilha għasel is-suċċess.

Qed ikun maħsub li sensiela ta’ għerien jinfdu taħt l-art f’Belize setgħu intużaw biex jittraffikaw tfal Mayas, sa mill-età ta’ sitt snin biex ikunu sagrifikati. Instabu ħafna snien fost l-eluf ta’ għadam uman imferrex fl-għar magħruf bħala l-Għar tat-Terrur ta’ Nofsillejl, u minn studju li sar jirriżulta li kollha huma ta’ tfal bejn is-sitt snin u l-14-il sena.

Minn analizzar kimiku nstab li oriġinalment, dawn it-tfal ma kinux mid-Distrett Cayo, fejn jinsab l-għar. Allura bilfors li twasslu fil-post f’numru qawwi. L-għar jinsab fin-naħa t’isfel ta’ Belmopan qrib il-
Komunità Mennonita, fi Springfield. Instab fl-2006 u kien rappurtata lill-Istitut tal-Antropoloġija minħabba l-kwantità enormi ta’ għadam uman li nstab. L-istudenta Samantha Lorenz, li kienet parti mill-grupp ta’ esperti qalet li ma jirriżultax li t-tfal kienu minn Belize.

​Għalhekk bilfors li t-tfal waslu minn xi mkien ieħor, u għar-raġuni unika li jkunu offruti bħala sagrifiċċju. U peress li kien hemm ħafna minnhom, kollha ġejjin mill-istess post, irid ikun studjat kienx hemm xi ħidma kummerċjali fit-traffikar tat-tfal. L-ewwel dawl li dan l-għar seta’ ntuża għas-sagrifiċċji umani ngħata minn Dr James Brady, professur tal-antropoloġija fl-Università Statali ta’ Kalifornja, fir-rapport tiegħu: osservazzjonijiet Preliminarji fuq l-investigazzjoni tal-Għar tat-Terrur ta’ Nofsillejl f’Belize.

Il-Papa Benedittu XVI għadu kemm stqarr li fil-Vatikan kien hemm moviment magħruf bħala gay lobby. Dan it-tagħrif jinsab fil-ktieb tiegħu bl-isem ta’ The Last Conversations li se jkun għall-bejgħ f’Settembru li ġej u li hi l-ewwel darba fl-istorja, li eks papa jiġġudika l-pontifikat tiegħu wara li warrab minn postu.
Madankollu, bil-kliem gay lobby ma għandniex naħsbu fis-sess. Skont l-Amerikani, dan jista’ jkun grupp li jinfluwenza politikament, li jaf ikun kontra l-kontroll tal-armi u favur l-ippjanar tal-abort. Min-naħa l-oħra, b’gay lobby, it- Taljani ma jfissrux li hu fazzjoni organizzata bl-iskop li jibdel it-tagħlim tal-Knisja fuq l-omosesswalità jew id-drittijiet tal-abort.

Fir-realtà hi organizzazzjoni informali fil-Vatikan, li tappoġġja wieħed lill-ieħor, ma jikxfux lil xulxin u jgħinu lil min ikunu jridu li jitla’ s-sellum tal-poter. Il-grupp għandu l-iskop u l-interess li jgħawweġ it-tentattivi tar-riformi, peress li bis-segretezza jgawdi kif irid; ’il bogħod mill-attenzjoni tal-awtoritajiet l-oħra.
Hi riferuta biss bħala moviment gay, peress li l-omosesswalità tippreżenta sigriet qawwi, speċjalment jekk tkun attiva. Għalhekk il-kelma gay ma tirriferix għas-sess iżda għas-segretezza u għall-fatt li bniedem jiġi promoss minn dawk li jħaddnuha u jkunu humu u mhux il-Papa li jieħdu d-deċiżjonijiet, fuq bażi personali.
Din l-organizzazzjoni kienet qed tibża’ li l-Papa Benedittu kellu x-xewqa li jippurifika ħidmet il-Vatikan u b’hekk seta’ jirfsilha l-kallu.

Fl-2013, Papa Benedittu, ta’ 89 sena, kien qal li rriżenja minħabba saħħtu u b’hekk sar l-ewwel papa f’sitt sekli, li għamel dan. Hu wiegħed li jibqa’ “moħbi għad-dinja” u baqa’ jgħix f’kunvent fil-ġonna tal-Vatikan.

Il-ġurnal Taljan Corriere della Sera, kiseb id-drittijiet li jxandar siltiet mill-ktieb u diġà ħareġ b’artiklu twil minnhom, fejn ġabar il-punti ewlenin.
Fil-ktieb tiegħu, Papa Benedittu jistqarr li sar jaf bil-gay lobby magħmul minn erbgħa jew ħamsa min-nies li bdew jippruvaw jinfluwenzaw id-deċiżjonijiet tal-Vatikan. Iżda jsostni li hu rnexxielu jkisser il-poter ta’ dak il-grupp.

Madankollu ħass li kellu jirriżenja wara l-istejjer turbulanti tal-papat, li nkuldew ukoll il-każ tal-Vatileaks,meta l-maġġordom stess ħareġ xi informazzjoni mill-ittri personali tiegħu u dokumenti oħra li allegaw il-korruzzjoni u l-battalja għall-poter fil-Vatikan.

We recommend that you do the following

Make sure that you have input the card details correctly – card number, expiry date and CCV code

If you are requested to enter your 3D Secure passcode, you should receive an SMS from the card issuer with this passcode

If all else fails, please contact your card issuer (bank).

Filmati mhux tas-soltu juru raġel li meta twieled kellu qalbu barra mill-qafas ta’ sidru, tħabbat biss taħt saff irqiq ta’ ġilda.

Il-vidjow hu ta’ Arpit Gohil, li lill-ġenituri tiegħu kienu qalulhom li se jmut appena jitwieled minħabba l-kundizzjoni estremament rari li kien fiha.

Issa, ta’ 18-il sena, il-ġuvni fil-vidjow qed ikun deskritt mit-tobba bħala ‘miraklu mediku’, li iżda, waqgħa għal għarrieda jew ħabta, tista’ tħallih mejjet.

Il-Pentalogy of Cantrell, hi kundizzjoni rari fejn il-fetu jiżviluppa b’mod li t-trabi milquta biha jitwieldu b’organi vitali (bħall-qalb jew l-intestini), barra minn ġisimhom.

Ħafna mit-tfal b’din il-kundizzjoni jkunu jridu jintrefgħu bl-ingwanti, imgeżwra fit-tajjar u jinżammu ’l bogħod minn kull riskju.

Iżda Aprit, li twieled bl-iktar forma serja ta’ din id-diżordni, magħrufa bħala ectopia cordis, li bħalu hawn 165 każ ieħor magħruf, mhux raġel ordinarju.

Meta beda jikber, deher bħal tfal oħra, jixxabbat mas-siġar, isuq it-tractor fl-għalqa ta’ missieru, 40 kilometru bogħod minn Ahmedabad, fl-Indja.

Lill-ġurnal Daily Bhaskar, Aprit qalilha,  “Jien m’għandi l-ebda problema, u issa drajt ngħix b’din il-kundizzjoni.”
Hekk kif qalbu kienet qed tippompja taħt il-ġilda tiegħu taħt sidru, żied jgħid, “Nista’ nagħmel kollox bħal persuna normali u m’għandi l-ebda diffikultà bix-xogħlijiet li nagħmel fir-razzett, bħal biex nagħżaq, insuq it-tractor u nirkeb ir-rota.”

Madankollu, minħabba li parti mid-dijaframma tiegħu ma taħdimx, il-kumplament tal-muskoli jkollhom jaħdmu bis-sahra.

Dan ifisser li jekk ikollu xi infezzjoni, bħall-pnewmonja, tkun ferm agħar għalih milli għal pazjent normali.

U t-tobba xorta għadhom tal-fehma li Arpit irid joqgħod ferm attent, għax kif inhu, mhux salv mija fil-mija.