Description
Wasal il-jum mistenni ta’ għeluq snin Ruben. Sabrina tinsab ferħana li hija mistiedna…
Tul l-istorja, it-tfal huma mistiedna jingħaqdu ma’ Sabrina u:
- jitħarġġu fil-loġika billi jkunu mħeġġa jaħsbu u jirraġunaw – isibu l-pari, ikomplu sekwenza, jiddistingwu bejn l-ispazju li jokkupaw oġġetti differenti…
- jitgħallmu minn eżempji ta’ mġiba tajba – jgħidu grazzi, jaċċettaw telfa f’logħba, ma jistaqsux għar-rigal…
- ikabbru l-għarfien tagħhom dwar id-dinja ta’ madwarhom – isibu pajjiż fuq il-globu, jfhmu x’inhi gżira…L-intenzjoni hi li t-tfal jitħajru jfittxu iktar tagħrif relatat.
Qatt mhu kmieni wisq biex inrawmu fit-tfal tagħna l-imħabba lejn il-qari. Tfal li għadhom żgħar biex jaqraw, xorta waħda jistgħu jieħdu sehem f’din l-istorja li kontinwament tinvolvi lit-tfal permezz ta’ mistoqsijiet indirizzati lilhom.
