Description
Il-ħajja intellettwali taċ-Ċina fis-seklu 6 Q.K. kienet mimlija kitba filosofika, poetika, xjentifika, u politika. Il-ħassieba kollha tefgħu l-attenzjoni tagħhom fuq il-ġid tas-soċjetà. Il-filosfi riedu ordni soċjali li ġġib l-hena fuq kulħadd. Lao Zi f’Dao De Jung jgħid li s-soluzzjoni biex il-bniedem jeħles mill-għawġ tinsab fit-triq tal-univers. F’din it-triq tal-univers hemm in-nuqqas ta’ kull kontroll magħmul mill-bniedem u hemm il-ħelsien mir-regolamenti elaborati. Għalhekk il-bniedem għandu jfittex li jkun konformi ma’ din it-triq.
