Description
“Buddy, ajru tal-kejkijiet tal-frott dan!”
Hekk jibda l-kapolavur nostalġiku ta’ żmien il-Milied miktub minn Truman Capote dwar Buddy, tifel ta’ seba’ snin u l-kuġina eċċentrika u mdaħħla fiż-żmien tiegħu, u r-ritwal tagħhom li fi żmien il-Milied jaħmu l-kejkijiet tal-frott. Ritwal li jissimbolizza l-imħabba sinċiera tagħhom għal xulxin.
Ibbażat fuq it-tfulija ta’ Truman Capote f’belt rurali f’Alabama tas-snin tletin, Tifkira ta’ Milied huwa stampa li tibqa’ fiż-żmien ta’ ħbiberija dejjiema, iżda kurjuża, ta’ żewġ persuni innoċenti — wieħed żgħir, l-oħra anzjana — u l-memorji li jibnu flimkien tul dak il-perjodu speċjali.
Bl-illustrazzjonijiet ta’ Beth Peck, bl-użu tal-akkwarell u l-linka, li jfakkru perfettament fis-sentimentalità mingħajr żmien tat-test, Tifkira ta’ Milied jintroduċi lill-qarrejja Maltin għal wieħed mill-klassiċi tal-letteratura Amerikana.
Traduzzjoni ta’ Ludvic Azzopardi Ferrando
Edizzjoni b’qoxra iebsa
Proġett kofinanzjat mill-Aġenzija Nazzjonali tal-Litteriżmu
