Description
Poeżija 3D hu għodda analitika li tgħin lill-qarrejja jistħarrġu l-poeżiji mill-perspettiva ta’ tliet temi, jew dimensjonijiet, ewlenin li poeti Maltin ittrattaw fix-xogħlijiet tagħhom mill-bidu tas-seklu għoxrin sa żminijietna. Dawn it-temi ġew proposti mill-bord tal-MATSEC għall-istudju tal-Malti fil-livell intermedju u avvanzat. Il-poeżiji msemmija u kkwotati f’dan l-istudju jinsabu kollha miġbura fl-antoloġija Il-Poeżija Maltija tal-Professur Oliver Friggieri.
