Description
Josephine Farrugia, xebba Mahoney, twieldet l-Isla fis-6 t’Ottubru, 1932. Bint Patrick Mahoney u Mary Vella, it-tieni wild minn sitt aħwa. Bdiet il-karriera drammatika fl-1947 fuq ir-Rediffusion. Fl-1949 telgħet għall-ewwel darba fuq il-palk wara li damet biex ipperswadiet lil missierha biex iħalliha tibda din il-karriera. Minn dakinhar baqgħet sejra. Barra minn fuq il-palk ħadet sehem ukoll f’għadd sabiħ ta’ radjudrammi, programmi fuq ir-Rediffusuion u wara fuq Radju Malta; aktar tard impjegat ruħha bħala announcer fejn damet għal ħamsa u għoxrin sena. Ħadet sehem ukoll f’għadd ta’ sensiliet li dehru fuq it-televiżjoni.
Wara karriera ta’ 62 sena, għadha attiva sal-lum, għalkemm b’ċerta riserva.
