Description
Dan il-ktieb huwa maħsub għall-istudenti tal-ewwel sena tas-sekondarja, li għandhom għal qalbhom il-letteratura u li jħobbu jinvestigaw!
Permezz ta’ attivitajiet differenti, fosthom it-tisliba, tiftixa għall-kliem u anagrammi fost oħrajn, l-istudenti se jkunu jistgħu jistħarrġu u janaliżżaw l-iżvilupp tal-karattri, il-plott u l-ambjent li fih qed issir l-istorja ta’ Irvin Vella – Il-Każ Manduca.
F’kapitli differenti saħansitra se jkollhom l-opportunità li jitħarrġu u janaliżżaw il-kitba tad-djarju, l-intervista, l-inventarju, kif ukoll teknika ta’ kitba differenti fosthom l-użu tal-punteġġatura u l-użu tal-vuċi.
Fuq kollox, l-istudenti se jkunu attivi fl-analiżi tal-istorja u b’mod interattiv se jkunu jistgħu jaħsbu u jesprimu l-ħsibijiet u l-emozzjonijiet li se jkunu qed jesperjenzaw matul l-istorja.
Dan il-ktieb ta’ taħriġ huwa miktub minn Jacqueline Mizzi, għalliema tal-Malti u awtriċi ta’ kotba maħsuba b’mod partikolari għall-adolexxenti.
