Description
F’ dan il-ktieb studenti, għalliema u ġenituri jsibu tagħrif, pedagoġija u assessjar li għandhom jgħinu biex kull student/a, flimkien mal-għalliema u kull min hu insteressat fit-tagħlim tagħhom, jgħixu l-esperjenza tat-tagħlim-tgħallim permezz tal-letteratura. B’dan il-mod, barra li wieħed jassigura li jgħaddi mill-eżami taċ-ĊES/SEC, u l-eżamijiet tal-klassijiet ogħla tal-iskola sekondarji,fl-istess ħin ikollu tħejjija tajba għal aktar tagħlim ‘il-quddiem.
Għaldaqstant f’dan il-ktieb wieħed isib: introduzzjoni ġenerali; tagħrif differenzjat fuq il-poeżiji; tagħrif differenzjat fuq in-novelli; tagħrif differenzjat fuq ‘Il-Ħarsa ta’ Rużann’ ta’ Francis Ebejer; tagħrif fuq il-figuri tad-diskors flimkien ma’ eżempji.
Użat sew flimkien mal-antoloġija ‘Bejn Ħaltejn’, dan il-ktieb għandu jservi mitqlu deheb għal kull min jużah. Xejra ewlenija ta’ dan il-ktieb u sieħbu hija d-differinzazzjoni, jew aħjar l-inferizzazzjoni, ir-referenzi għal pjattaformi ta’ tagħlim-e (eLearning) u tħaddim serju tal-lingwa Maltija kif qiegħda tiżviluppa fi żminijietna u kif inbniet matul meddet is-snin. L-aspett viżwali jgħin ukoll biex isaħħaħ dak li jingħad permezz tal-kelma.
