Description
L-Istejjer tal-Istorja huwa proġett edukattiv u divertnti biex it-tfal – u mhux it-tfal biss – isiru jafu u jħobbu aktar l-istorja ta’ artna. L-istejjer – li fihom dejjem jidħlu karattri ta’ tfal – jeħduna minn Żmien il-Ħagar għal meta Malta ssieħbet fl-Unjoni Ewropea. Dan hu wkoll proġett awdjo għax l-istess awtur, Ġorg Peresso, flimkien ma’ Ivan De Battista, jirrakkuntaw l-istejjer li jkun hemm f’kull ktieb. Is-CD, b’mużika apposta, tinsab mal-ktieb.
Fl-ewwel ktieb għandna erba’ stejjer, tnejn ta’ Żmien il-Ħagar u t-tnejn l-oħra jittrattaw il-perjodu ta’ Żmien ir-Rumani, b’riferenza għal meta l-gżejjer tagħna kienu taħt il-ħakma tal-Feniċi. U fuq kollox il-wasla ta’ San Pawl fostna.