Description
Imħabba taħt Assedju – deċennji qabel hu ktieb ambjentat fit-taqlib kbir li għaddiet minnu Malta fit-tmiem tas-seklu erbatax. Il-ġrajja hija mfassla fuq fatti storiċi li seħħew tassew. Magħhom l-awtur niseġ storja fantastika u mimlija avventura. Fil-qalba tal-istorja hemm ġrajja kbira ta’ mħabba u patrijottiżmu. Il-qarrej se jkun qed jgħix “il-ħajja awtentika” tal-furbani Maltin flimkien mal-protagonisti tal-istorja. Se jgħix il-ħbit u l-ġlied imdemmi fuq il-baħar, kif ukoll fuq l-art, sakemm jintlaħaq il-qofol, bit-tmiem tal-gwerra ċivili u l-assedju fuq il-Castrum. Il-ġrajja hi rrakkuntata minn għajnejn l-eroj ewlieni u qalbieni Malti, Johanni.
