Description
Maia u Alex huma kuġini speċjali. Twieldu l-istess ġurnata, ftit ħin biss bogħod minn xulxin. U trabbew flimkien bħala tewmin. Das-sajf ħajjithom se tinbidel meta jsiru jafu li l-familja tagħhom ilha ġġorr sigriet għal sekli twal u li issa, li għalqu ħdax-il sena, wasal iż-żmien li jgħaddi għandhom. It-tfal iridu jippreparaw irwieħhom għall-ewwel missjoni tagħhom bħala Vinkulari — vjaġġaturi taż-żmien – f’tellieqa kontra l-ħin biex il-katina taż-Żmien tibqa’ sħiħa. Mingħajr ħadd ma jinduna bihom … mingħalihom.
