Description
Max imur għand tal-ħelu spiss. Imma darba rah b’geddum sal-art u Max iddisjaċieh. “Naf x’nagħmlu,” qallu, “immorru dawra.” U dak il-ħin, il-ħanut inqala’ minn postu, rama żewġ pari saqajn u telqu. Rajthom? Max liebes ta’ pirata qed jidderieġi ‘l-ħanut mimli ħelu. Tgħid x’se jsibu fit-triq dawn it-tnejn? Għax din id-dawra mhix tas-soltu u, fuq kollox, forsi mhux kulħadd iħobb il-ħelu. Int tħobbu l-ħelu? Jekk iva, dan il-ktieb għalik.
