Description
Dawn l-istejjer twieldu mill-ħbiberija li għani ma’ Monsinjur Dun Mikiel Azzopardi, mexxej għal tant snin tas-Siegħa tal-Morda fuq il-mezzi tax-xandir. Darba kien talabni biex niktiblu si storja li tferraħ lill-morda. Jien m’għedtlux le, u ftit wara ħadt parti fis-Siegħa bil-qari ta’ L-Imħatra. Kont ktibt dil-praspura bil-ħsieb li se tkun ta’ l-ewwel u ta’ l-aħħar. Imma jidher ċar li mhux il-morda biss iħobbuhom lil Wenzu u Rożi, lil Kurun u lis-Sur Ġiżmond, lil Zolli u l-kumpanija kollha tagħhom. Jalla dawn l-istejjer jibqgħu jferrħu lil min hu b’saħħtu u lill-marid, u lit-tfal ta’ kull eta … mid-disgħa sad-disgħin sena!
