Description
Maurice Cauchi twieled l-Għarb, Għawdex, u wara l-iskola sekondarja fil-Lyceum, Għawdex, ħa l-lawrja ta’ tabib mill-Università ta’ Malta. Wara kompla l-istudji tiegħu fix-xjenza u l-mediċina fl-università ta’ Londra. Għamel bosta snin jaħdem fl-universitajiet ta’ Melbourne, Malta u Londra.
Kiteb kotba u artikli fil-gazzetti dwar ix-xjenza, l-mediċina u l-etika, u kif dawn jaffettwaw is-soċjetà tal-lum.
Kien jinteressa ruħu fil-letteratura, kiteb numru ta’ poeżiji, u għal żmien kien il-President tal-Maltese Literature Group ta’ Melbourne.
Maurice Cauchi ilu miżżewweġ lil Agnes, u għandu żewġt itfal: Denise u Stephanie, u żewġt neputijiet tewmin, Andres u Leila, kollha joqgħodu Melbourne.
