Description
- Karlu Manju jagħraf li rivoluzzjoni vera trid iġġib bidliet radikali, imma jekk ma jkollhiex l-egħruq fil-fond tal-imgħoddi ma tagħtix il-frott. Qalbu tinqabad fit-tnalja tal-kuntrast bejn l-identità-individwalità tan-nazzjon li nisslet l-istorja u l-firda tan0nazzjon apparentament bejn partit u partit, realment bejn sfruttaturi u sfruttati.
- F’dan ir-rumanz l-ogħla mumenti poetiċi qishom waħedhom jieħdu l-forma ta’ talba. Dan jindika l-għarfien tas-Saltna, mhux tad-Destin, imma tal-Provvidenza – ta’ Missier wieħed fis-sema.
- Karlu Manju jissielet kontra s-sistema politika u kontra persunaġġ bil-maskra falza ta’ Missier. Minħabba f’hekk qabda il-mixja tal-intergrità u tal-impenn sħiħ, bir-riskji li dan iġib miegħu.
- Forsi din hi l-għażla li tinsab quddiemna lkoll.
