Description
Dramm li jirrakkonta l-istorja ta’ Henry, raġel ta’ 46 sena li huwa konxju li qiegħed jikber fl-età. Martu Kate hija l-oppost tiegħu. Tħossha kuntenta u sodisfatta sakemm jidħol fix-xena Donald, student tal-aħħar sena tas-sekondarja …
Dwar Menopawsi, Minorenni u Muturi High Speed jirakkonta l-istorja ta’ Henry, raġel ta’ 46 sena li huwa konxju li qiegħed jikber fl-età. Meta jasal id-dar mix-xogħol jintefa quddiem it-televixin, ipejjep, jixrob l-inbid u jqalleb fil-gazzetta. Kollox u kulħadd jirritah, speċjalment ibnu James, student tal-Junior College, li jagħti l-impressjoni li kull tfajla tiġġennen fuqu. Iżda darba waħda kollox jinbidel meta James iġib l-aħħar tfajla tiegħu Fay id-dar u Henry jiġġennen fuqha. Huwa jgħaddi minn kull cliché marbuta mal-menopawsa – jibda jeżerċizzja biex ineħħi ż-żaqq, ipejjep il-ħaxixa, ipinġi tattoo u jixtri mutur bl-aċċessorji kollha.
Martu Kate hija l-oppost tiegħu. Tħossha kuntenta u sodisfatta bil-kariga ġdida bħala guidance teacher fi skola sekondarja tas-subien. Mal-istudenti tkun popolari u jfittxuha ħafna. Hekk jidħol Donald fix-xena, student tal-aħħar sena tas-sekondarja, li jkun jixtieq minnha aktar minn pariri . . . .
