Description
GEORGE CASSOLA twieled fl-1949. Minn eta żgħira interessa ruħu fil-kitba bil-Malti u bl-Ingliż. Matul iż-żmien kiteb bosta poeżiji u novelli, uħud minnhom ġew pubblikati f’antoloġiji u rivisti. Ix-xogħlijiet tiegħu rebħu wkoll diversi konkorsi letterarji u festivals tal-kant. Bħala żagħżugħ kien attiv fl-għaqdiet letterarli u taż-żgħażagħ, u għal ħafna snin ta sehem fl-MADC fejn illum huwa wkoll Chairman.
Fuq livell professjonali ħadem għal għoxrin sena fiċ-ċivil, fid-Dipartimenti tax-Xogħlijiet u tat-Taxxi, u fiċ-Ċentru tal-Kompjuters tas-Swatar. Wara li ggradwa bħala accountant, sar membru ta’ l-MIA u ta’ l-IDPM (illum l-IMIS) u ħadem l-ewwel bħala awditur u konsulent fuq sistemi tal-kompjuter, imbagħad bħala manager fil-finanzi u l-informatika. Illum huwa Kap tal-Finanzi u l-Amministrazzjoni fl-APS Bank.
Ilu mill-1987 jgħallem il-Computer Auditing fl-Universita. Ktieb ukoll artikli f’rivisti professjonali barranin, u fl-1993 rebaħ konkors ta’ kitba mniedi mill fergħa Maltija ta’ l-IDPM.