Rita Grech

Rita Grech, awtriċi ta’ rumanzi bil-Malti. Twieldet fl-1975 u hija minn Bormla. Ilha tikteb għal dawn l-aħħar għaxar snin.Rita Grech - Authors - BDL Books

S’issa ppubblikat 22 rumanz. Fosthom Markuż li hu pubblikazzjoni ta’ BDL Books. Il-ġeneru favorit tagħha huma l-kotba għall-adolexxenti. Tieħu gost ħafna tikteb għal din l-età għax taħseb li hija età partikolari fejn jidħol qari, peress li mhux faċli jsibu xi ħaġa li tassew iżżommhom biex ikomplu jaqraw. Tħobb tibbaża l-istejjer tagħha fuq ir-realtà. L-ikbar sodisfazzjon għaliha huwa meta jgħidulha li l-kotba tagħha jintgħoġbu.

Tħobb ukoll tagħti s-sehem tagħha biex tkompli tinkoraġġixxi l-qari bil-Malti, speċjalment fl-iskejjel. Temmen li l-lingwa Maltija hija xi ħaġa li aħna l-Maltin għandna biex inkunu kburin ħafna biha u għalhekk m’għandniex nitilfulha s-sens tagħha billi nużaw lingwi oħra minflokha. Tħobb ħafna l-qari u dejjem tgħid li aktar ma taqra aktar tispira ruħha biex tikteb! Ħaġa oħra li tagħtiha ispirazzjoni hija l-mużika. Infatti kull ktieb li tikteb ikollha kanzunetta konnessa miegħu.

Fil-futur għandha f’moħħha li tippubblika aktar rumanzi għall-adolexxenti, kif ukoll xi kotba għat-tfal u anke rumanzi oħrajn.