Michael Refalo

Imwieled fl-1955, studja fil Liċeo (Għawdex) u wara fl-Università ta’ Malta. Fl-1979 ħa d-Diploma ta’ Nutar u s-sena ta’ wara ggradwa fil-Liġi. Bejn l-1979 u l-2010 ħadem ta’ nutar pubbliku f’Għawdex. Fl-1998 beda kors ta’ B.A. fl-Istorja u l-Filosofija part-time u ggradwa fl-2003. Fl-2009 kiseb Ph.D. mill-Università ta’ Malta bit-teżi “The Maltese Commercial Class 1870-1914. Business, Family, Networks.” It-teżi ġiet sussegwentement ippubblikata mill-Università ta’ Pisa. Kiteb diversi papers li ġew ippubblikati f’rivisti tal-istorja kemm Malta kif ukoll fl-Ewropa. Il-ktieb tiegħu The Maltese Nineteenth-Century Notary and His Archives rebaħ il-Premju tal-Kunsill Nazzjonali tal-Ktieb fl-2015. L-aħħar ktieb tiegħu jismu Waking the Dead. Nineteenth-Century Obituaries as a Mirror of Maltese Society (1815 – c. 1910).