Description
Dawk kollha li jħobbu jaqraw u jistudjaw dwar kif it-Tieni Gwerra Dinjija laqtet lil Malta u ‘l-poplu tagħha, kemm dawk li jiftakruha (li n-numru tagħhom illum huwa żgħir) kif ukoll dawl li ma jiftakruhiex, l-aktar, imma mhux biss studenti, għandhom isibu f’dan il-ktieb għodda meħtieġa biex tgħinhom jifhmu u japprezzaw aktar dak li ġarrbu l-antenati tagħna f’dil-il-gwerra ħarxa ta’ sebgħin sena ilu.
Charles Debono
Kuratur tal-Mużew Nazzjonali tal-Gwerra
F’dan il-ktieb il-qarrejja jistgħu jsibu tagħrif fil-qosor dwar suġġett partikolari marbut mal-gwerra. Il-ġabra tas-suġġett teħodhom flimkien jagħtu kwadru ta’ dak li l-poplu Malti u Għawdxi għadda minnu matul it-Tieni Gwerra Dinjija bejn l-1940 u l-1945.
Laurence Mizzi